Áreas naturais protexidas en Cabo Verde:

Espazo protexido

• Parque Natural de Monte Verde (Ilha de São Vicente)

Superficie: 800 ha.

Monte Verde forma parte dunha área montañosa que representa os restos do borde dun primitivo cráter, cuxos puntos culminantes son os montes Verde e Madeiral, con preto de 744 m e 680 m, respectivamente. Na plataforma do cume, inclinada cara ao Nordés,proporciónase un medio favorable á incidencia da humidade, factor responsable para a existencia dun cadro paisaxístico que contrasta coa aridez das restantes zonas da illa.

Dende o punto de vista xeolóxico, Monte Verde está formado por tobas volcánicas intercaladas con filóns basálticos.

É o punto máis alto da illa de São Vicente cos seus 700 metros de altitude. Nos tempos da "azágua" cóbrese de verde e é posible observar especies endémicas e algunhas introducidas dende o poboamento. O cume está, algunhas veces, cuberto polas nubes, dificultando a vista panorámica pero permitindo un verdadeiro "paseo entre as nubes".

O Parque Natural de Monte Verde é o único representante de zona sub-húmida da illa de São Vicente, polo tanto no parque é posible encontrar especies que non existen en ningunha outra rexión de São Vicente, como por exemplo Limonium jovi-barba (Carqueja), Sonchus daltonii (Coroa de rei), Echium stenosiphon ssp. stenosiphon (Lingua de vaca), Campanula jacobaea (Contra bruxas), Davallia canariensis (Fento), Kickxia elegans (Agrón de rocha).

Categor�a IUCN

• III - Monumento natural

Galer�a de fotos